Informations sur le centre de développement des compétences CareerCenter au Maroc

اليوم اختاريت نتكلم ليكم على ليفورماسيون اللي كتقوم بيها "Career Center UAE Tanger" واللي حتا هي بالمجان

هاذ le centre اللي كنظن بلي كاع الطلبة ديال الجامعات سمعو بيه من قبل، كايقدم ورشات وندوات وأيام مفتوحة لفائدة طلبة جميع الشعب (فيزيك-بيولوجي-إكونومي-فرنسية-عربية-...)
ومن أهم ليفورماسيون اللي كيقدم تلك المتعلقة ب Soft skils يعني ديال المهارات الشخصية، نشرح ليك أكثر باش تفهم؛ كاينين ناس مكونين تكوين مزيان تبارك الله، عندهوم تجارب كبيرة ومتعددة هما اللي كيسهرو على هاذ التكوينات، بحيث كتعلم كيفاش تنمي المهارات ديالك بوحدك هير فالدار (مجهود شخصي)، كيفاش طور ذاتك وتكتاسب ثقة كبيرة فنفسك، كتعرف على الخبايا وجميع التفاصيل المتعلقة بسوق الشغل، كتستافد من دورات تعليمية على :

• "كيفاش نقلب على خدمة❗️
• "أشناهوما المهارات اللي خصها تكون عندي باش ندخل لسوق الشغل❗️"
• "أشناهوما أكثر الأسئلة اللي كيتحطو ف entretien d'embauche وأشناهي الطريقة الصحيحة باش نجاوب عليهم❗️"
• "كيفاش نقاد CV اللي كيجدب المشغل عندي❗️"
• "كيفاش نقدر نظم وقتي ونستاغلو بأحسن طريقة ممكنة❗️"

و زيد و زيييييد... راه هادشي كامل بالمجان !

طريقة الإستفادة : سهلة ياإيما كتقيد من خلال السيت ديالهوم (أو البلاتفورم) أو تلتاحق بيهم فالمركز إلى عرفتيه فين جا
(الناس ديال طنجة، غاتجبروه ف ENSA - بوخالف)، بالإضافة لهذا غادي تلقا فالسيت:

• نماذج ديال CV
• فرص عمل أو فرص للناس اللي باغيين سطاجات

#كيفاش_غادي_نعرف_بلي_راه_كاينة_فورماسيون_جديدة:
فكل مرة كانت ندوة، تكوين، ملتقى كيوصلك مساج فالإميل ديالك، أو قم بتتبع الصفحة الرسمية ديالهوم الخاصة بالمدينة ديالك راه كيحطو فيها كلشي.

#واش_كاينة_شي_Attestation:
وي كاينة ولكن أهم حاجة هي أنك تستافد إلى بغيتي هير ديك الورقة تزيدها ف CV بلامتزيد فراسك والو من الأحسن أنك متمشيش، غادي ضيع هير وقتك.

#وقت_التسجيل: مفتوح طيلة السنة سير حتى من غدا غادي ارحبو بيك فأي وقت.
موقع : http://vcc.careercenter.ma/vcc/region/Tanger

#بقا_متبع_معايا_غنهضر_ليك_إنشاء_الله_على_المزيد_من_ليفورماسيون_بالمجان.